另一場利物浦女足主場對曼城女足，「女紅軍」利物浦雖然成績唔及對手，但踢法進取，上仗作客以3比2擊敗熱刺女足，今仗返回自己地頭，爭勝決心更強。曼城女足各項賽事4連勝，無懼同對手駁火，睇番雙方近3次正式賽事交鋒，總入球全開5球或以上，可追捧3.5球入球大。（Now 635周日晚10時直播）

利物浦女足屬於上季女子英超前4位球隊，具備爭標實力，雖然今季首2場聯賽都和波，但球隊勝在根基深厚，上場戰至補時入波，以3比2絕殺熱刺女足，大大提升士氣，為今場大戰壯聲勢。加上「女紅軍」冇份踢女子歐聯，可以全力備戰聯賽，預料會搏盡，爭取擊敗宿敵曼城女足。

狀態托弗入波多
至於曼城女足同男足一樣，表現充滿霸氣，並且發揮穩定，今季3場聯賽取得2勝1和，當中和波係作客同阿仙奴女足踢成2比2，加上喺女子歐聯分組賽擊敗上屆冠軍巴塞隆拿女足，狀態處於巔峰。此外，曼城女足近3次正式賽事對利物浦女足，獲得全勝之餘，並合共攻入13球，視對手防線如無物，預料會再次出現大比數賽果。