世盃外亞洲區第三圈B組榜首大戰，南韓主場火併伊拉克。「太極虎」上場作客2比0擊敗約旦，近6場世盃外5勝1和，狀態甚佳；不過伊拉克都唔嘢少，今年初亞洲盃曾擊敗日本，近7場世盃外6勝1和，成績不比南韓差，今場火星撞地球，留意到南韓近4場世盃外3次開半場和，半場和屬不二之選。■（周二晚7時開賽）

孫興民續缺陣
南韓今年初炒咗奇連士文後，成績反而回穩，由看守領隊金度勳過度到7月洪明甫正式上任，7場世盃外5勝2和，嚟到第三圈B組排緊榜首。雖然隊長孫興民不幸受傷，連續兩場世盃外無法領軍，但南韓表現未有下滑，上場憑李在城及吳賢揆上下半場各建一功，2比0擊敗出線競爭對手約旦，如果今場贏埋伊拉克，喺B組就再無對手，大利出線。

伊拉克喺B組頭3輪2勝1和，好成績只係賽程編得靚，對晒弱隊，仲未對實力最強嘅南韓同約旦，今場過唔過到南韓係出線關鍵，睇番佢哋頭3輪表現，入2球0失球，踢法偏重防守，今場作客南韓將會更加保守，再睇佢哋近兩場作客都開半場和，捱到半場唔輸機會高。