亞冠精英盃上演「中日大戰」，神戶勝利船主場對FC山東，日職球隊神戶勝利船狀態出色，近10場比賽取得8勝2和，並且踢法搶韁，近4次主場出擊，上半場都領先，預料會繼續發動閃電戰，力爭盡快奠定勝局，以免夜長夢多，主W太熱乏味，不妨直取半場主勝。(HOY TV 76台周三晚6時直播)

現時排日職第2位嘅神戶勝利船，上輪亞冠盃作客僅打和泰國球隊武里南聯0比0，表現令人失望，但只屬短暫失準，其後迅速回勇，近3場比賽都贏波，合共轟入7球，兩位曾經去歐洲搵食嘅前鋒大迫勇也、武藤嘉紀輪流入波，腳風非常順，有力攻入FC山東防線。事實上，神戶勝利船經過上輪亞冠盃失分後，今場搶分決心更加強，勢必強攻對手。

FC山東防線大將上場受傷
至於FC山東上輪亞冠盃主場以3比1擊敗澳職球隊中岸水手，演出不俗，但係球隊上場中超對深圳新鵬城，防線主將馬塞爾受傷，退下火線，雖然賽後證實冇大礙，但難免令人擔心會影響今場發揮，令神戶勝利船有機可乘。此外，FC山東近5次亞冠盃作客日職球隊，只有1勝4負，今仗形勢唔樂觀，隨時上半場就落後。