同時間仲有另一場英超賽事，開季兩支不敗雄師之一嘅阿仙奴，近期狀態開始上力，一眾前鋒亦腳風轉順，今輪主場迎戰弱旅修咸頓，有望大開殺戒，3.5球入球大值得捧場。

（Now 622周六晚10時直播）
阿仙奴上輪以4比2擊敗李斯特城，全場攻門超過30次，周中歐聯亦擊退巴黎聖日耳門，狀態同士氣都處於高峰。布卡約沙卡同加比爾馬天尼利雙翼齊飛，李安度杜沙特改踢進攻中場亦效果極佳，成功代替養傷嘅馬田奧迪加特，球隊火力未見削弱，近4場賽事有3場總入球開4球或以上。

修咸頓豆腐防線難頂
至於修咸頓開季1和5負仲未贏過波，上場1比3輸畀般尼茅夫後，領隊羅素馬田盛傳帥位不穩。修咸頓防守力弱，近4場聯賽有3場被對手轟入3球，豆腐後防頂唔住阿仙奴狂攻，隨時失波已經夠開3.5球入球大。