日職去到最後2輪賽事，爭冠形勢白熱化，榜首神戶勝利船目前領先次席廣島三箭3分，衞冕機會極大，今場作客柏雷素爾只求穩陣贏波，唔會追求華麗大勝，博2.5球入球細好路。（無綫myTV SUPER周六下午1時直播）

神戶勝利船早前捧走日皇盃冠軍，喺亞冠盃亦坐喺榜首位置，不過季尾連場硬仗下，踢法亦明顯變得穩陣，往往見好就收保留體力，對上5場聯賽有4場開2球或以下。神戶勝利船依家奪標形勢大好，唯一目標就係穩穩陣陣咁贏波，今場關鍵賽事必定踢得更加謹慎。

柏雷素爾屯重兵防守
柏雷素爾護級仍未安全，搶得1分得1分，今場會屯重兵防守博有分落袋。翻查兩隊近5次對賽，總入球全開2球或以下，2.5球入球細值得再追。